Nokia 1.4 පරිශීලක මාර්ගෝපදේශය

ගුවන්විදුලි තරංග වෙත නිරාවරණය වීම සඳහා මාර්ගෝපදේශ මෙම ජංගම උපාංගය මගින් සපුරාලයි.

ඔබේ ජංගම දුරකතන උපාංගය ගුවන්විදුලි සම්ප්‍රේෂකයක් සහ ග්‍රාහකයක්ද වේ. ස්වාධීන විද්‍යාත්මක සංවිධානය ICNIRP වෙතින් අන්තර්ජාතික මාර්ගෝපදේශකයන් විසින් නිර්දේශීත ගුවන්විදුලි තරංග (ගුවන්විදුලි සංඛ්‍යාත විද්‍යුත් චුම්බක ක්‍ෂේත්‍ර) සඳහා නිරාවරණය වීමේ සීමා ඉක්මවා නොයන පරිදි එය සැලසුම් කෙරේ. මෙම මාර්ගෝපදේශයන්ට වයස සහ සෞඛ්‍යය පිළිබඳ නොසලකා සියළු පුද්ගලයන්ගේ ආරක්‍ෂාව සහතික කිරීමට අදහස් කළ ප්‍රමාණවත් ආරක්ෂක සීමා අන්තර්ගත වේ. උපාංගය මගින් සම්ප්‍රේෂණය කරන විට හිස සහ ශරීරය තුළ තැන්පත් වී තිබෙන ගුවන්විදුලි සංඛ්‍යාත (RF) බලය දැක්වීමක් වන විශිෂ්ඨ අවශෝෂණ අනුපාතය (SAR) මත අනාවරණ මාර්ගෝපදේශ පදනම් වේ. ජංගම උපාංග සඳහා ICNIRP SAR සීමාව පටකයක ග්‍රෑම් 10 මත කිලෝග්‍රෑමයට වොට් 2.0 ක් වේ.

SAR පරීක්ෂණ කෙරෙන්නේ උපාංගය සම්මත මෙහෙයුම් පිහිටීම්වල එහි ඉහළම සහතික කළ බල මට්ටමේ සම්ප්‍රේෂණ තත්ත්වවලදී එහි සියලුම සංඛ්‍යාත කලාපවලදී ය.

මෙම උපාංගය හිසට එරෙහිව භාවිත කරන විට හෝ ශරීරයෙන් අඟල් 5/8 ක් (සෙන්ටි මීටර් 1.5 ක්) ඈත්ව තබා සිටින විට ගුවන්විදුලි සංඛ්‍යාත මෙහෙයුම් නිර්ණායක ප්‍රකාශිතය සපුරාලයි. ශරීරයේ පැළඳි විට ක්‍රියාත්මක වන උපකරණ වන රැගෙන යන ආවරණය, බෙල්ට් ක්ලිප්, හෝ වෙනත් ආකාරවල උපාංග රැඳවුම්වල ලෝහ නොතිබිය යුතු අතර උපාංගය ශරීරයේ වෙතින් අඩු වශයෙන් ඉහතින් කී දුරින් තබා ගත යුතුය.

දත්ත හෝ පණි. යැවීමට, ජාලය වෙත හොඳ සම්බන්ධ කිරීමක් අවශ්‍යය. එවැනි සම්බන්ධ කිරීමක් ලැබෙන තෙක් යැවීම ප්‍රමාද විය හැකිය. යැවීම අවසන් වන තෙක් වෙන්කිරීමේ දුර උපදෙස් පිළිපදින්න.

සාමාන්‍ය භාවිතය තුළ, SAR අගයයන් සාමාන්‍යයෙන් ඉහත ප්‍රකාශ කර ඇති අගයන්වලට වඩා බෙහෙවින් අඩුය. මීට හේතුව, පද්ධති කාර්යක්‍ෂමතාව සඳහා සහ ජාලය මත වන මැදිහත්වීම අවම කර ගැනීමේ අරමුණු සඳහා, ඔබගේ ජංගම උපාංගයේ ක්‍රියාත්මක වන බලය ඇමතුම සඳහා සම්පූර්ණ බලය අවශ්‍ය නොවන විට ස්වයංක්‍රීයවම අඩුවීම ය. බලය ප්‍රතිදානය අඩු වන විට, SAR අගයද අඩු වේ.

උපාංග මාදිලිවල විවිධ අනුවාද සහ එකකට වඩා අගයන් පැවතිය හැකිය. කල්ගත වන විට උපාංග කොටස් සහ සැලසුම්වල වෙනස්කම් ඇති විය හැකි අතර ඉන් SAR අගයන්වලට බලපෑම් ඇති විය හැකිය.

වැඩිදුර තොරතුරු සඳහා, www.sar-tick.com වෙත යන්න. ඔබ හඬ ඇමතුමක් නොගන්නා අවස්ථාවකදී වුවත්, ජංගම උපාංග සම්ප්‍රේෂණය කරමින් තිබෙනු ඇති බව සලකන්න.

ජංගම උපාංග භාවිතා කරන විට කිසියම් විශේෂ පුර්වාරක්ෂණයන් අවශ්‍ය බව වත්මන් විද්‍යාත්මක තොරතුරුවලින් දක්වා නොමැති බව ලෝක සෞඛ්‍ය සංවිධානය (WHO) ප්‍රකාශ කර ඇත්තේ ය. ඔබ ඔබේ නිරාවරණය අඩු කිරීමට උනන්දුවක් දක්වන්නේ නම්, ඔවුන් නිර්දේශ කරනුයේ ඔබ ඔබේ භාවිතය සීමා කිරීම හෝ උපාංගය හිස සහ ශරීරයට ඈතින් තබා ගැනීම සඳහා හෑන්ඩ්ස්-ෆ්‍රී කට්ටලයක් භාවිතා කළ යුතු බවය. ගුවන්විදුලි සංඛ්‍යාත නිරාවරණය පිළිබඳ වැඩිදුර තොරතුරු සහ පැහැදිලි කිරීම් සහ සාකච්ඡා සඳහා, www.who.int/health-topics/electromagnetic-fields#tab=tab_1 හි WHO වෙබ් අඩවිය වෙත යන්න.

උපාංගයේ උපරිම SAR අගය සඳහා කරුණාකර www.hmd.com/sar බලන්න.