Udhëzuesi i përdorimit i Nokia 105 (2019)

1. Butoni i thirrjes
2. Butoni i majtë i zgjedhjes
3. Butoni i lëvizjes. Shtypeni për t'u qasur tek aplikacionet dhe artikujt e zgjedhur.
4. Receptori/altoparlanti
5. Lidhësi i kufjes
6. Blici
7. Lidhësi USB
8. Foleja e hapjes së kapakut të pasmë
9. Butoni i djathtë i zgjedhjes
10. Butoni i energjisë/mbylljes

Shmangni prekjen e zonës së antenës kur antena është në përdorim. Kontakti me antenat ndikon në cilësinë e komunikimit dhe mund të zvogëlojë kohëzgjatjen e baterisë për shkak të nivelit më të lartë të energjisë gjatë përdorimit.

Mos e lidhni me produkte që krijojnë sinjal daljeje, pasi kjo mund ta dëmtojë pajisjen. Mos lidhni burim rryme elektrike në lidhësin e audios. Nëse në lidhësin e audios lidhni pajisje të jashtme ose kufje, përveç atyre të miratuara për përdorim me këtë pajisje, kini kujdes të veçantë për nivelet e zërit. Pjesët e pajisjes janë magnetike. Materialet metalike mund të tërhiqen te pajisja. Mos vendosni afër pajisjes suaj karta krediti ose media të tjera magnetike të hapësirës ruajtëse, pasi informacionet e ruajtura në to mund të spastrohen.

Disa nga pajisjet shtesë të përmendura në këtë udhëzues të përdoruesit, si karikuesi, kufjet ose kablloja e të dhënave, mund të shiten më vete.