Udhëzuesi i përdorimit për Nokia 130

Ky udhëzues përdorimi gjen zbatim për modelin e mëposhtëm: TA-1576.

Shënim: Kodi i paracaktuar i sigurisë është 12345. Për ta aktivizuar, zgjidhni Meny > Cilësimet > Cilësimet e sigurisë > Siguria e telefonit, futni kodin 12345, zgjidhni OK dhe më pas Aktive. Për të ndryshuar kodin e sigurisë, zgjidhni Meny > Cilësimet > Cilësimet e sigurisë > Ndrysho kodet hyrëse > Ndrysho kodin e sigurisë, futni kodin aktual të sigurisë dhe zgjidhni OK. Futni kodin e ri (5-8 shifra) dhe zgjidhni OK, më pas futni përsëri kodin e ri dhe zgjidhni OK. Kur të ndryshoni kodin, duhet të mbani mend kodin e ri sepse HMD Global nuk mund ta hapë apo ta anashkalojë atë.

Mos e lidhni me produkte që krijojnë sinjal daljeje, pasi kjo mund ta dëmtojë pajisjen. Mos lidhni burim rryme elektrike në lidhësin e audios. Nëse në lidhësin e audios lidhni pajisje të jashtme ose kufje, përveç atyre të miratuara për përdorim me këtë pajisje, kini kujdes të veçantë për nivelet e zërit.

Disa pjesë të pajisjes janë magnetike. Pajisja mund të tërheqë materiale metalike. Mos vendosni afër pajisjes karta krediti ose karta të tjera me shirita magnetikë për periudha kohore të zgjatura, pasi kartat mund të dëmtohen.