Nokia 2780 Flip user guide

Внимателно ракувајте со уредот, батеријата, полначот и додатоците. Следниве предлози помагаат да го одржите уредот во функција.

• Чувајте го уредот сув. Врнежите, влажноста и сите видови течности или влага може да содржат минерали што предизвикуваат корозија на електронските кола.
• Не користете го и не чувајте го уредот на правливи или нечисти места.
• Не чувајте го уредот на висока температура. Високите температури може да го оштетат уредот или батеријата.
• Не чувајте го уредот на ниска температура. Кога уредот ќе се загрее до својата нормална температура, во внатрешноста на уредот може да се формира влага и да го оштети.
• Не отворајте го уредот на друг начин освен онака како што е наведено во упатството за корисникот.
• Неодобрените модификации може да го оштетат уредот и да ги прекршат прописите кои важат за радиоуреди.
• Не испуштајте го, не удирајте го и не тресете го уредот или батеријата. Грубото ракување може да го скрши.
• Користете само мека, чиста и сува крпа за чистење на површината на уредот.
• Не обојувајте го уредот. Бојата може да спречи правилно функционирање.
• Држете го уредот подалеку од магнети или магнетни полиња.
• За безбедно чување на важните податоци, складирајте ги на најмалку две одделни места, како што се уредот, мемориска картичка или компјутер, или запишете ги важните информации.

За време на продолжена работа, уредот може да се загрее. Во најголем број од случаите, ова е нормално. За да избегнете прегревање, уредот може автоматски да ја забави работата, да затвори апликации, да го исклучи полнењето или, ако е потребно, самиот да се исклучи. Ако уредот не работи правилно, однесете го до најблискиот овластен сервис.