Nokia 3.1-gebruikersgids

Om krag te bespaar:

1. Herlaai altyd die battery tot dit vol is.
2. Skakel onnodige klanke soos aanraakklanke af. Tik op Instellings > Klank > Gevorderd, en kies dan onder Ander klanke en vibrasies, watter klanke om te hou.
3. Gebruik bedrade oorfone in plaas van die luidspreker.
4. Stel die foonskerm dat dit na ’n kort tydjie afskakel. Tik op Instellings > Skerm > Gevorderd > Slaap en kies die tyd.
5. Tik op Instellings > Skerm > Helderheidsvlak. Om die helderheid te verstel, sleep die helderheidsvlak-skuifbalk. Maak seker dat Aanpasbare helderheid gedeaktiveer is.
6. Keer dat toepassings in die agtergrond loop: tik op check_box_outline_blank en maak die toepassings toe wat jy nie nodig het nie.
7. Aktiveer die Agtergrond-aktiwiteitsbestuurder. Die kennisgewings van sommige toeps of e-posse kan dalk nie onmiddellik herwin word nie. Jy kan die batterylewe bestuur deur die toepassings by die witlys te voeg of dit te verwyder. Tik op Instellings > Battery > Agtergrond-aktiwiteitsbestuurder.
8. Skakel die kragbespaarder aan: tik op Instellings > Battery > Batteryspaarder, en wissel na Aan.
9. Gebruik liggingsdienste net as dit nodig is: Skakel liggingsdienste af wanneer jy dit nie nodig het nie. Tik op Instellings > Sekuriteit en Ligging > Ligging, en wissel na Af.
10. Gebruik netwerkverbindings net as dit nodig is: skakel Bluetooth slegs aan as dit nodig is. Gebruik ´n Wi-Fi-verbinding om aan die internet te koppel, in plaas van ´n mobieledata-verbinding. Keer dat jou foon vir beskikbare koordlose netwerke soek. Tik op Instellings > Netwerk en Internet > Wi-Fi, en wissel na Af. As jy musiek luister of jou foon andersins gebruik, maar jy wil nie oproepe maak of ontvang nie, skakel die vliegtuigmodus aan. Tik op Instellings > Netwerk en Internet > Vliegtuigmodus.

Vliegtuigmodus maak verbindings met die mobiele netwerk toe en skakel jou toestel se koordlose funksies af.