User guide ng Nokia 3.1

Ipinapakita ng iyong telepono ang iyong lokasyon sa mapa gamit ang satellite positioning system, Wi-Fi, o pagpoposisyong batay sa network (Cell ID).

Ang availability, katumpakan at pagiging kumpleto ng impormasyon ng lokasyon ay nakadepende sa, bilang halimbawa, iyong lokasyon, kapaligiran, at mga third party na pinagkukunan, at maaaring limitado ito. Maaaring hindi available ang impormasyon ng lokasyon, halimbawa, sa loob ng mga gusali o sa ilalim ng lupa. Para sa impormasyon sa privacy na nauugnay sa mga paraan ng positioning, tingnan ang Patakaran sa Privacy ng HMD Global, na available sa http://www.hmd.com/privacy.

Maaaring kailanganin ng ilang satellite positioning system ang paglilipat ng kaunting data sa pamamagitan ng mobile network. Kung gusto mong makaiwas sa mga bayarin sa data, halimbawa kapag naglalakbay, maaari mong i-off ang koneksyon sa mobile data sa mga setting ng iyong telepono.

Pinapahusay ng pagpoposisyon ng Wi-Fi ang katumpakan ng pagpoposisyon kapag hindi available ang mga signal ng satellite, lalo na kapag nasa loob ka o pagitan ng mga gusali. Kung nasa lugar ka kung saan pinaghihigpitan ang paggamit ng Wi-Fi, maaari mong i-off ang Wi-Fi sa mga setting ng telepono mo.