Упатство за корисникот за Nokia 3310 3G

Користете го уредот само со оригинална батерија BL-4UL што може повторно да се полни.

Полнете го уредот со полнач AC-18. Типот на приклучокот на полначот може да се разликува.

HMD Global може да направи дополнителни модели на батерии или полначи достапни за овој уред.

Тип на батерија: BL-4UL

Со една SIM-картичка

• Теоретско време на говорење до 6 часа
• Теоретско време на мирување до 27 дена

Со две SIM-картички

• Теоретско време на говорење до 6 часа.
• Теоретско време на мирување до 24 дена

За да го откачите полначот или некој додаток, фатете го и влечете го приклучокот, а не кабелот.

Кога полначот не се користи, откачувајте го. Ако не се користи, целосно наполнетата батерија ќе го изгуби своето полнење со текот на времето.

За оптимални перформанси, секогаш чувајте ја батеријата на температура помеѓу 59°F и 77°F (15°C и 25°C). Екстремните температури го намалуваат капацитетот и животниот век на батеријата. Уред со жешка или ладна батерија може привремено да не работи. Може да настане случајна куса врска кога некој метален предмет ќе ги допре металните ленти на батеријата. Ова може да ја оштети батеријата или другиот предмет.

Не фрлајте ги батериите во оган бидејќи може да експлодираат. Почитувајте ги локалните прописи. Рециклирајте кога е можно. Не фрлајте ја батеријата како отпад од домаќинството.

Во никој случај батеријата не смее да се расклопува, сече, крши, витка, дупчи или на друг начин да се оштетува. Доколку батеријата протекува, не дозволувајте течноста да ја допре кожата или очите. Доколку тоа се случи, веднаш исплакнете ги со вода зафатените места или побарајте медицинска помош. Батеријата не смее да се модифицира, да се ставаат туѓи објекти во неа, да се потопува или изложува на вода или на други течности. Батериите можат да експлодираат ако се оштетат.

Батеријата и полначот користете ги само за наменетата цел. Неправилната употреба или користењето на неодобрени или некомпатибилни батерии или полначи може да претставуваат ризик од пожар, експлозија или друга опасност и може да поништи какво било одобрување или гаранција. Ако сметате дека батеријата или полначот се оштетени, однесете ги во сервисен центар или кај продавачот на телефонот пред да продолжите да ги користите. Никогаш не користете оштетена батерија или полнач. Полначот користете го само во затворен простор. Не полнете го уредот додека има невреме со грмежи.