Nokia 6300 4G පරිශීලක මාර්ගෝපදේශකය

ආරෝපකයක් හෝ අමතර කොටසක් පේනුවෙන් ඉවත් කිරීමට පේනුවෙන් අල්ලා අදින්න, රැහැනෙන් නොඅදින්න.

ඔබගේ ආරෝපකය භාවිතයේ නොපවතින විට, එය පේනුවෙන් ඉවත්කර තබන්න. භාවිතා නොකර පැවතියේ නම්, සම්පූර්ණයෙන්ම ආරෝපිත බැටරියක ආරෝපණය කාලයත් සමග නැතිවනු ඇත.

ප්‍රශස්ත කාර්ය සාධනය සඳහා සෑම විටකම බැටරිය 59°F සහ 77°F (15°C සහ 25°C) අතර තබාගන්න. අධික උෂ්ණත්ව බැටරියේ ධාරිතාව හා ජීවිත කාලය අඩු කරයි. උණුසුම් හෝ සිසිල් බැටරියක් සහිත උපකරණයක් තාවකාලිකව ක්‍රියා නොකරනු ඇත. බැටරියේ ලෝහ පතුරු ලෝහ වස්තූන් හා ස්පර්ශ වන විට හදිසි ලුහුවත්වීම් ඇති විය හැකිය. මෙය බැටරිය හෝ අනෙකුත් වස්තූන්ට හානි සිදුකළ හැකිය.

බැටරි පිපිරීමට හැකි බැවින් ඒවා ගින්නට නොදමන්න. දේශීය නියාමනවලට ගරු කරන්න. හැකිවිට ප්‍රතිචක්‍රීයකරණය කරන්න. ගෘහ අපද්‍රව්‍ය ලෙස බැහැර නොකරන්න.

කිසිදු ආකාරයකින් බැටරියක කැබලි වෙන් කිරීම, කැපීම, ‍ඇඹරීම, නැවීම, සිදුරු කිරීම, එසේ නැතහොත් හානි කිරීම සිදු නොකරන්න. බැටරියක් කාන්දු වේ නම්, ද්‍රාවණයට සම හෝ ඇස් මත ස්පර්ශ වීමට ඉඩ නොදෙන්න. මෙසේ සිදු වුවහොත්, ආසාදිත ප්‍රදේශ වහාම ජලයෙන් සෝදන්න, හෝ වෛද්‍යාධාර ලබා දෙන්න. බැටරිය නවීකරණය කිරීම, ඇතුළට බාහිර ද්‍රව්‍ය ඇතුල් කිරීමට උත්සාහ කිරීම, හෝ එය ජලයෙහි හෝ වෙනත් ද්‍රාවණයක ගිල්වීම හෝ නිරාවරණය කිරීම නොකරන්න. හානි වුවහොත් බැටරි පිපිරිය හැකිය.

බැටරිය සහ ආරෝපකය ඒවායින් අපේක්ෂිත කාර්යයන් සඳහා පමණක්ම භාවිතා කරන්න. අනිසි ලෙස භාවිතා කිරීම, අනුමත නොකළ හෝ අනුකූල නොවන බැටරි හෝ ආරෝපක භාවිතා කිරීමෙන් ගින්න, පිපිරීම, හෝ වෙනත් ආකාරයක ව්‍යවසනයක් ඇති වීමේ අවදානමක් තිබෙන අතර, ඉන් කිසියම් අනුමත කිරීමක් හෝ වගකීමේ සහතිකයක් ‍අවලංගු විය හැකිය. බැටරිය හෝ ආරෝපකය හානියට පත්ව ඇති බව ඔබ විශ්වාස කරන්නෙහි නම්, එය භාවිතය දිගටම කරගෙන යාමට පෙරාතුව එය සේවා මධ්‍යස්ථානයක් හෝ ඔබගේ දුරකථන වෙළෙන්දා වෙත රැගෙන යන්න. කිසි විටකත් හානි සිදු වී ඇති බැටරියක් හෝ ආරෝපකයක් භාවිතා නොකරන්න. ආරෝපකය ගෘහස්තව පමණක් භාවිතා කරන්න. අකුණු කුණාටුවක් අතරතුර කිසිවිටෙක ඔබේ උපාංගය ආරෝපණය නොකරන්න.