Nokia 8.3 5G user guide

Овој мобилен уред ги исполнува упатствата за изложување на радиобранови.

Вашиот мобилен уред е радиопредавател и приемник. Тој е дизајниран да не ги надминува границите за изложување на радиобранови (радиофреквентни електромагнетни полиња), препорачани со меѓународните упатства од независната научна организација ICNIRP. Овие упатства вклучуваат значителни безбедносни маргини наменети да ја осигурат заштитата на сите лица, без оглед на возраста и здравјето. Упатствата за изложеност се темелат на специфична стапка на апсорпција (SAR), која го изразува количеството радиофреквентна (RF) енергија на која се изложува главата или телото кога уредот емитува. Ограничувањето за SAR на ICNIRP за мобилни уреди е 2,0 W/kg усреднети на 10 грама ткиво.

Тестовите за SAR се изведени со уредот поставен во стандарди позиции на ракување, емитувајќи на највисокото сертифицирано ниво на моќност, во сите фреквентни опсези.

Овој уред ги исполнува упатствата за изложеност на радиофреквентно зрачење кога се користи до главата или кога е поставен на растојание од најмалку 5/8 инчи (1,5 сантиметри) од телото. Ако за употреба на телефонот, кога се носи на телото, се користи футрола за носење, штипка за каиш или друга форма на држач за уредот, тие не треба да содржат метал и треба да го обезбедуваат барем погоре наведеното растојание на раздвојување од телото.

За испраќање податоци или пораки, потребна е добра врска со мрежата. Испраќањето може да се одложи додека таква врска не стане достапна. Следете ги упатствата за растојанието за раздвојување додека не заврши испраќањето.

При вообичаена употреба, вредностите за SAR обично се многу помали од вредностите наведени погоре. Тоа е така бидејќи, поради ефикасноста на системот и минимизирањето на пречките во мрежата, работната моќност на мобилниот уред автоматски се намалува кога за повикот не е потребна целосната моќност. Колку е помала излезната моќност, толку е помала вредноста за SAR.

Моделите на уредите може да имаат различни верзии и повеќе од една вредност. Со тек на време може да настанат промени во компонентите и дизајнот и некои од тие промени може да влијаат на вредностите за SAR.

За повеќе информации, одете на www.sar-tick.com. Имајте предвид дека мобилните уреди може да емитуваат дури и кога не остварувате говорен повик.

Светската здравствена организација (СЗО) изјави дека тековните научни информации не укажуваат на потребата за каква било специјална претпазливост при користење мобилни уреди. Ако сте заинтересирани за намалување на изложеноста, тие препорачуваат да ја ограничите употребата или да користите комплет за употреба без раце за да се држи уредот подалеку од главата и телото. За повеќе информации, објаснувања и дискусии за изложувањето на RF-зрачење, одете на веб-локацијата на СЗО на www.who.int/health-topics/electromagnetic-fields#tab=tab_1.

За максималните вредности за SAR на уредот, погледнете на www.hmd.com/sar for the maximum SAR value of the device.