Nokia C100 user guide

За да проверите дали телефонот има батерија што може или што не може да се отстрани, видете во печатеното упатство.

Уреди со батерија што може да се отстрани Користете го уредот само со оригинална батерија што може повторно да се полни. Батеријата може да се полни и празни стотици пати, но на крајот ќе се истроши. Кога времињата за разговор и мирување ќе станат значително пократки од нормалното, заменете ја батеријата.

Уреди со батерија што не може да се отстрани Не обидувајте се да ја отстраните батеријата, бидејќи може да го оштетите уредот. Батеријата може да се полни и празни стотици пати, но на крајот ќе се истроши. Кога времињата за разговор и мирување ќе станат значително пократки од нормалното, однесете го уредот во најблискиот овластен сервис за да ви ја заменат батеријата.

Полнете го уредот со компатибилен полнач. Типот на приклучокот на полначот може да се разликува. Времето на полнење зависи од можностите на уредот.

Откако ќе се наполни уредот, исклучете го полначот и од уредот и од штекерот за струја. Имајте предвид дека континуираното полнење не треба да трае подолго од 12 часа. Ако не се користи, целосно наполнетата батерија ќе го изгуби полнењето со текот на времето.

Екстремните температури ги намалуваат капацитетот и работниот век на батеријата. За оптимални перформанси, секогаш чувајте ја батеријата на температура помеѓу 15°C и 25°C (59°F и 77°F). Уред со жешка или ладна батерија може привремено да не работи. Имајте предвид дека на ниски температури батеријата може брзо да се празни и да изгуби доволно енергија за да се исклучи телефонот за само неколку минути. Кога сте надвор на ниски температури, чувајте го телефонот на топло.

Почитувајте ги локалните прописи. Рециклирајте секогаш кога можете. Не фрлајте ја батеријата како отпад од домаќинството.

Не изложувајте ја батеријата на исклучително низок воздушен притисок и не оставајте ја на исклучително висока температура, на пример да ја фрлите во оган, бидејќи така батеријата може да експлодира или од неа да протече запалива течност или гас.

Во никој случај батеријата не смее да се расклопува, сече, крши, витка, дупчи или на друг начин да се оштетува. Доколку батеријата протекува, не дозволувајте течноста да ја допре кожата или очите. Доколку тоа се случи, веднаш исплакнете ги со вода зафатените места или побарајте медицинска помош. Батеријата не смее да се модифицира, да се ставаат туѓи објекти во неа, да се потопува или изложува на вода или на други течности. Батериите можат да експлодираат ако се оштетат.

Батеријата и полначот користете ги само за наменетата цел. Неправилната употреба или користењето на неодобрени или некомпатибилни батерии или полначи може да претставуваат ризик од пожар, експлозија или друга опасност и може да поништи какво било одобрување или гаранција. Ако сметате дека батеријата или полначот се оштетени, однесете ги во сервисен центар или кај продавачот на телефонот пред да продолжите да ги користите. Никогаш не користете оштетена батерија или полнач. Полначот користете го само во затворен простор. Не полнете го уредот за време на грмежи. Ако полначот не е вклучен во продажното пакување, наполнете го уредот со помош на кабелот за податоци (приложен) и струен USB-адаптер (се продава одделно). Уредот може да го полните со кабли од трети страни и адаптери усогласени со стандардот USB 2.0 (или понов), со важечките прописи во земјата и со меѓународните и регионалните стандарди за безбедност. Други адаптери може да не бидат усогласени со важечките стандарди за безбедност, па полнењето со такви адаптери може да претставува ризик од имотна штета или лична повреда.

За исклучување на полначот или некој додаток, фатете го и повлечете го приклучокот, а не кабелот.

Освен тоа, ако уредот има батерија што може да се отстрани, важи следново:

• Секогаш исклучувајте го уредот и исклучувајте го полначот пред да вадите какви било капаци или батеријата.
• Може да настане случаен краток спој ако метален предмет ги допре металните ленти на батеријата. Ова може да ја оштети батеријата или другиот предмет.