Udhëzuesi i përdorimit i Nokia 3310 3G

Butonat dhe pjesët e telefonit tuaj janë:

1. Lidhësi i karikuesit
2. Receptori
3. Tasti i lëvizjes dhe i përzgjedhjes
4. Butoni i funksionit, butoni i thirrjes
5. Tastet e numrave
6. Butoni i funksionit, butoni i energjisë/mbylljes së thirrjes
7. Lidhësi i kufjeve
8. Kamera
9. Elektriku i dorës
10. Zona e antenës
11. Foleja e hapjes së kapakut të pasmë
12. Altoparlanti

Për t'i bllokuar automatikisht tastet, zgjidhni Menyja > > Siguria > Bllokimi i tasteve > Bllokimi autom. dhe zgjidhni Aktiv.

Për të zhbllokuar tastet, zgjidhni Zhblloko dhe shtypni *.

Shmangni prekjen e antenës kur antena është në përdorim. Kontakti me antenat ndikon në cilësinë e komunikimit dhe mund të shkurtojë jetëgjatësinë e baterisë për shkak të nivelit të lartë të energjisë gjatë funksionimit.

Mos e lidhni me produkte që krijojnë sinjal daljeje, pasi kjo mund ta dëmtojë pajisjen. Mos lidhni burim rryme elektrike në lidhësin e audios. Nëse në lidhësin e audios lidhni pajisje të jashtme ose kufje, përveç atyre të miratuara për përdorim me këtë pajisje, kini kujdes të veçantë për nivelet e zërit.

Disa pjesë të pajisjes janë magnetike. Pajisja mund të tërheqë materiale metalike. Mos vendosni afër pajisjes karta bankare ose mjete që ruajnë të dhëna në formë magnetike, sepse informacioni i ruajtur në to mund të fshihet.

Disa nga pajisjet shtesë të përmendura në këtë udhëzues të përdoruesit, si karikuesi, kufjet ose kablloja e të dhënave, mund të shiten më vete.