Udhëzuesi i përdorimit i Nokia 3310 3G

Administrojini me kujdes pajisjen, baterinë, karikuesin dhe pajisjet shtesë. Sugjerimet e mëposhtme ju ndihmojnë ta mbani pajisjen në punë.

• Mbajeni të thatë pajisjen. Reshjet, lagështia dhe të gjitha llojet e lëngjeve ose avujve mund të përmbajnë minerale që gërryejnë qarqet elektronike.
• Mos e ruani apo përdorni pajisjen në vende të ndotura ose me pluhur.
• Mos e mbani pajisjen në temperatura të larta. Temperaturat e larta mund të dëmtojnë pajisjen ose baterinë.
• Mos e mbani pajisjen në temperatura të ftohta. Kur pajisja kthehet në temperaturën e saj normale, brenda saj mund të krijohet lagështi dhe të dëmtohet.
• Mos e hapni pajisjen ndryshe nga ç’udhëzohet në udhëzuesin e përdorimit.
• Modifikimet e paautorizuara mund të dëmtojnë pajisjen dhe mund të shkelin rregulloret për radiopajisjet.
• Mos e shkundni, hidhni ose goditni pajisjen ose baterinë. Manovrimi i ashpër mund dhe ta thyejë.
• Për pastrimin e sipërfaqes së pajisjes, përdorni vetëm një pecetë të butë, të thatë dhe të pastër.
• Mos e lyeni me bojë pajisjen. Boja mund të pengojë funksionimin normal.
• Mos e vendosni pajisjen pranë magneteve ose fushave magnetike.
• Për të siguruar të dhënat tuaja të rëndësishme, ruajini të paktën në dy vende të ndryshme, si p.sh. në pajisje dhe në kartë memorieje ose në kompjuter, ose shkruajini diku.

Gjatë funksionimit për një kohë të gjatë, pajisja mund të ngrohet. Në shumicën e rasteve, kjo është normale. Për të shmangur mbinxehjen, pajisja mund të ngadalësohet automatikisht, të mbyllë aplikacione, të çaktivizojë karikimin dhe, nëse është e nevojshme, të fiket vetë. Nëse pajisja nuk punon siç duhet, dërgojeni në pikën më të afërt të autorizuar të shërbimit.