Mwongozo wa mtumiaji wa Nokia 7.1

Unaweza kupunguza gharama za utumiaji data nje ya mtandao wako wa kawaida na kuokoa pesa kwenye bili ya simu yako kwa kubadilisha mipangilio ya data ya simu. Ili kutumia mbinu bora ya muunganisho, badilisha mipangilio ya Wi-Fi na mitandao ya simu.

Utumiaji data nje ya mtandao wako wa kawaida humaanisha kutumia simu yako kupokea data kwenye mitandao ambayo mtoa huduma wako wa mtandao hamiliki au kuendesha. Kuunganisha kwenye intaneti wakati unatumia data ya nje ya mtandao wako wa kawaida, hasa ukiwa ng'ambo, kunaweza kuongeza gharama ya data pakubwa.

Kutumia muunganisho wa Wi-Fi kwa kawaida huwa haraka na bei nafuu kuliko kutumia muunganisho wa data ya simu. Kama miunganisho yote ya Wi-Fi na data ya simu inapatikana, simu hutumia muunganisho wa Wi-Fi.