Nokia 9 Pureview-gebruikergids

Hierdie toestel het ’n gradering van IP67 ontvang vir stof- en waterbestandheid, gebaseer op toetse wat in bystandmodus onder beheerde laboratoriumtoestande uitgevoer is. Die bestandheid is nie ’n permanente toestand nie, en kan verminder as gevolg van normale verwering.

Waterbestandheid beteken bestandheid teen koue, skoon, vars water alleenlik. Moet nie die toestel aan enige ander vloeistof (soos seewater, seepwater, swembadwater, wasmiddel, sure of oplosmiddels, parfuum, gomverwyderaar, haarkleursel, rome, sonskerm of olie) blootstel nie. - Moenie die toestel onder water dompel nie. As die toestel aan water blootgestel is, vee dit met ’n droë lap af. As dit aan enige ander vloeistof blootgestel is, spat onmiddellik ’n bietjie skoon vars water op die toestel. Vee die toestel versigtig droog. Moet nie die toestel laai of enige iets daaraan verbind as die verbindings stowwerig, nat of klam is nie.

Belangrik: Vloeistofskade word nie deur die waarborg gedek nie. Om vloeistofskade te voorkom, vermy dit om met die toestel te swem of te bad, dit aan hoëspoed-water (soos wanneer jy stort, branderry of waterponiery) bloot te stel, die toestel in ’n sauna of stoomkamer te gebruik, die toestel doelbewus onder die water te dompel, of die toestel buite die voorgestelde temperature of in hoëhumiditeit-toestande te gebruik.

Belangrik: Toebehore vir gebruik met hierdie toestel, is nie so waterbestand soos die toestel self nie. Byvoorbeeld, laaiers moet net in droë toestande gebruik word, nooit wanneer dit klam of nat is nie.